أبيك تْراجع احساسك قبـل تاخـذك عيـن النـوم

السلام عليكم ورحمه الله وبركاته

اليوم يبتلكم من اشعار الشاعر سلطان المجلي

يليتها تنال على اعجابكم

قبل لا تظلم الدنيـا وتغـرب شمـس هـذا اليـوم
أبيـك تفكـر بقلـبٍ تـرك هالعـالـم وجـالـك
أبيك تْراجع احساسك قبـل تاخـذك عيـن النـوم
وتسأل حالك بحالـك عذابـي ليـش يحـلا لـك
وابيك تميز بعينـك مـن الظالـم مـن المظلـوم
وأبا اعرف كيف ما يقدر ضميرك يمنـع افعالـك
أنا ما شنت فيك الظن.. لكن شـان بـك مرغـوم
بعد ما شاف حسن الظن قتيـل بْخنجـر اهمالـك
لقيت وما عرفت أختار .. وزادت "ع" الهموم
اهمومبغيتك عون ما أدري .. سكن فرعون فـي بالـك
وأنا هارب من الوحدة .. هربت بْقلبـي المحـروم
بعد ما فرحي تْمـرد عليّـه قلـت : بـا لجالـك
لجيت لْقلبك وقلبـي رجـع فيـه العشـم مهـزوم
هقيتك تقتـل احزانـي ومـات الفـرح بوصالـك
تركتك يوم شفتـك مـا تجنـي بالعتـب واللـوم
وقلت : أبعد عن اجوائك عساه الجـو يصفـا لـك
وقلبي اللي يهاب الموت..و يكره كلمـة المرحـوم
قتلته قبـل مـا تقتـل عزيـز و يخضـع قْبالـك
بعد ماطحت من عيني .. تبي تقتعـد بهـا وتقـوم
حبيبي هذا كـان أول.. يـوم انـك بهـا لْحالـك
ورى ظهرك رميت اللي تمنا الخيـر فيـك يْـدوم
نصحك وما سمعته لين طحت "ف" شـر أعمالـك
وهذي نهايـة دْروبـك ومانـي بالخطـا ملـزوم
خطيت أتحمل أخطائك .. وخـل تنفعـك عذالـك
بغوك تْذلني وآشوف وجـه الـذل بـك مرسـوم
عسى الجبار لا يهينك.. وأنـا مـا ردت أذلالـك
بغيتـك بـس تتعلـم كيـف ان القضـا محتـوم
مثل مانته تدين تـدان .. وهـذي حكمـة المالـك

اتريا ردودكم
Sad

يا سلام شو هاااه جنااان
يسلموا ع الطرح عساج دووم ع القووه
كلمات ولا اروع الصراحه
تقبلي مروري أختج : بحر الغلا

تسلمين عالرد يالمميزه