خسيت والزمن حدك تراهــا ضاعــــــــت الاداب
انا لاطاشت جنوني يعرف الجاهل آدابه
وش المغزى من الكلمة بلا داعي بلا أسباب
وهرج الكذب والتجريح أبي إتقول وش اسـبابه
انا الشرهة علي اني فتحت لخافقي كم باب
ولكن مثل ماجيت ترى كبــر الجمل(بابه)
خذ نفسك معك برا ثم انقلع بدون إيـاب
فمان الله والا اقول: فمان ابليس واصحابـه
إتحسبني على فرقاك ابندم واغرق الاهداب
انا مبسوطه يوم اني طردت الشؤم وغرابـه
انا ما اعاشر الخاين ولا اسمع هرجة الكذاب
ومثلك قيمته عندي تحت الزيرو إحسـابه
انا مانيب حرف الجــر تبي تجره على الاعراب
انا حرف(ن) جزم نفسه ومثلي يصعب اعرابه
تشوم النفس عن زينك عقب ماطاح فيهاذباب
وانا حره بنت أحرار تركت الزيـن وذبابه
انا ياشيخ بنت شيوخ بذكري تنعم الانساب
اليا قام العرب كلا" يراجع دفتر انســابه
بنت شيخ(ن) وسط ربعه له بين الرجال حساب
اليا ضاقت به الارياء أهز الارض مشــعابـه
انا لاجتني الزلة من الجاهل وهو كــــــذاب
تركت القافلة تمشي وراها تنبح كلابــــه
ترى بدري على مثلك يعيب و ساسه المعياب
ياليت اللي يعيبني يحاول يستر ثيــابــه
وانا ليامن كشفت ان الخوي اصبح لسانه داب
نزعت السم من عرقه وكسرت بمخلبي نابه
خسارة مثلك بقلبي تضمه غرفة الاحباب
وخسارة غلطة العاشق يحطك اول احبابه
بعد هذا تبي ارجع لجل عينك نصير اصحاب
خسيت واقلب لي وجهك ولا كلمة ولاإجابه
يله اتريا ردودكم
